Zvicra mbështet FSK’në

Autori:Avdyl Pajaziti

Ministri i Forcës së Sigurisë së Kosovës (MFSK), Haki Demolli, e ka takuar ambasadoren e Zvicrës në Prishtinë, Krystyna Marty Lang, e cila, në emër të shtetit zviceran, i ka dhënë mbështetje sidomos FSK-së.

Fillimisht Demolli e ka falënderuar ambasadoren Lang për ndihmën që Qeveria e Zvicrës është duke ia dhënë Kosovës dhe FSK-së, në veçanti për angazhimin e ekspertëve ushtarakë të çminimit, të cilët janë të angazhuar për pastrim të fushave të minuara në Kosovë. Po ashtu, Demolli e ka falënderuar Langun edhe për kontributin e Kontingjentit të Ushtrisë së Zvicrës në kuadër të KFOR-it në Kosovë.

Më tutje, Demolli e ka njoftuar ambasadoren Lang edhe për zhvillimet e përgjithshme në MFSK dhe FSK, me theks të veçantë në procesin e transformimit të FSK-së në Forcat e Armatosura të Kosovës. Në këtë kontekst, ministri Demolli ia ka shprehur ambasadores Krystyna Marty Lang interesimin për rritjen e kapaciteteve të FSK-së në të drejtën humanitare ndërkombëtare si dhe në sfera të tjera që kanë të bëjnë me çështjet gjinore, gjithashtu në kuadër të këtyre edhe trajnimin dhe shkollimin e kuadrove të FSK-së në shtetin e Zvicrës.

Kurse ambasadorja zvicerane Krystyna Marty Lang është shprehur e lumtur për bashkëpunimin e deritashëm në mes dy të shteteve, posaçërisht në mes të FSK-së dhe Forcave të Armatosura të Zvicrës. Ambasadorja Lang ka deklaruar se ky bashkëpunim do vazhdojë edhe në të ardhmen në mes të dy shteteve mike dhe në mes të FSK-së dhe Forcave të Armatosura të Zvicrës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/zvicra-mbeshtet-fskne/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala