Eko 5 vite më parë

Zubin Potoku blen goma nga kompania e karburanteve

Autori:Gazeta Fjala

Komuna e Zubin Potokut ka blerë goma për vetura nga një kompani që për aktivitet ka tregtinë me karburant.

Kjo komunë për tu furnizuar me goma për automjeteve, ka zgjedhur kompaninë PP “MIN-PROM” me bazë nga Zubin Potoku.

Mirëpo kompania fituese “Min – Prom”, sipas përshkrimit të biznesit në Agjencionin për Regjistrimin e Bizneseve, nuk ka të bëjë fare me aktivitetin e gomave njofton Gazeta Fjala.

Ky biznes i konstituar që nga viti 2003 aktivitete të vetme del t`i ketë vetëm tregtinë me shumicë të lëndëve djegëse të ngurta, të lëngëta ose të gazta, dhe tregtia me pakic të  karburantit për automjete si aktivitet  dytësorë.

Komuna e zgjedhi atë në mesin e 3 ofertuesve për cmimin më të ulët. E që vlera e përgjithshme e kontratës del të jetë 9 mijë e 662 euro.

Njoftimi për kontratë është publikuar ditën e hënë, ndërkohë që pritet të nënshkruhet kontrata me datën 12 tetor. / Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/zubin-potoku-blen-goma-nga-kompania-e-karburanteve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala