Lajme 5 vite më parë

Zhbogar: Për liberalizim të vizave flasim në dhjetor

Autori:Gazeta Fjala

Shefi i zyrës së Bashkimit Europian në Kosovë, ka deklaruar se një raport që e vlerëson progresin e Kosovës karshi liberalizimit të vizave për zonën Schengen, do të publikohet në fund të vitit, në dhjetor.

Sipas tij Kosova i ka përmbushur shumicën e kritereve që BE-ja i kërkon nga një shtet në këmbim të liberalizimit të vizave.

“Në procesin e liberalizimit të vizave s’do të thotë se s’është arritur përparim, mirëpo progresi i liberalizmit të vizave s’është pjesë e Raportit të Progresit”, ka thënë Zhbogar gjatë një konference për shtyp ku u bë publik Raporti i Progresit të Komisionit Europian për Kosovën, duke sqaruar se pse një vlerësim i BE-së s’është bërë edhe në aspektin e përmbushjes së kritereve për liberalizim të vizave.

“Shumica e kërkesave apo kritereve që kërkon BE-ja për liberalizimin e vizave, janë përmbushur nga Kosova. Këtë e ka konfirmuar edhe komisionari Johannes Hahn”.

“Raportin për progresin karshi liberalizimit të vizave, BE-ja do ta japë në dhjetor”, ka përfunduar Zhbogar.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/zhbogar-per-liberalizim-te-vizave-flasim-ne-dhjetor/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala