Zëvendëskryeministri i Kosovës: Më 24 prill serbët ia japin besimin Vucicit

Autori:Zekirja Shabani

Zëvendëskryeministri i Qeverisë së Republikës së Kosovës, Branimir Stojanovic ka thënë se serbët e Kosovës më 24 prill do të votojnë për Aleksander Vucicin. Ka thënë se Kryeministri i Serbisë është i vetmi prej politikanëve serbë që ka qëndruar dhe ka mbijetuar me serbët e Kosovës

Këto komente, Stojanovic i ka bërë të shtunën, gjatë një përurimi të një ure në Llapnasellë. Bashkë me Zëvendëskryeministrin kanë qenë edhe shefi i  zyrës për Kosovën në Qeverinë e Serbisë, Marko Gjuriq

“Më 24 prill, e di se kujt do t’ia ofrojmë besimin, e di për kë do të përcaktohemi. Vetëm për njërin, për Aleksandar Vuçiqin, i cili është i vetmi që gjatë këtyre viteve ka qenë sinqerisht me neve dhe i vetmi që ka mbijetuar me ne”, ka thënë zëvendëskryeministri Stojanovic.

Branimir Stojanovic është njëri prej udhëheqësve të Listës Srpska, pjesë e Qeverisë së Kosovës, dhe njeri i afërtë i Kryeministrit aktual të Serbisë, Aleksander Vucic, shkruan Express.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/zevendeskryeministri-i-kosoves-me-24-prill-serbet-ia-japin-besimin-vucicit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala