“Zakone” që i paraprijnë suksesit

Autori:Zekirja Shabani

Pothuajse të gjithë njerëzit e suksesshëm kanë disa tipare fillestare të njëjta. Ata e trajtojnë problemin në të gjitha aspektet, janë organizatorë të mirë dhe respektojnë të tjerët. Por, cilat janë disa “vese” bazë që duhet të ketë një njeri i suksesshëm?

Krijoni lista

Është e lehtë të mbingarkoheni me kërkesat që ka një projekt i rëndësishëm. Krijoni lista me gjërat që duhet të bëni për të arritur objektivat, por duhet të jeni të ndershëm me vetveten, të motivuar dhe të keni përparim konstant. Filloni me gjërat e vogla e duke arritur te ato më të mëdhatë. Për të pasur një listë më të organizuar, shkruajini ato në mëngjes, kur truri ende nuk është i ngarkuar.

Reflektoni gabimet

Sa herë që përballeni me sfida të reja, fokusohuni më shumë në arritjet e projektit se sa në idenë e dështimit. Kur nuk ndiheni të sigurt, merrni një fletore dhe shkruani 3 gabime që keni hasur gjatë ndonjë projekti të mëparshëm, e më pas edhe si i keni zgjidhur ato. Kjo do të ju rrisë besimin në vete.

Harroni kohën e përkryer

Mos e prisni kohën e përkryer për realizimin e ndonjë ëndrre sepse ajo nuk vjen. Ju duhet ta krijoni atë. Projektin që keni para vetes duhet ta bëni sa më të thjeshtë fillimisht, e më pas ta ‘gdhendni’ deri në të përkryer.

Njerëzit e suksesshëm e kanë këtë veçori dhe nuk e argumentojnë zvarritjen e projektit me mungesën e përsosmërisë.

Bëni gjera të mira, por mos i tregoni të gjithëve

Një nga keqkuptimet që na ka krijuar media në masë, është ideja se njerëzit e sukseshëm i bëjnë gjerat para të gjithëve. Si shoqëri, ne shpesh e anashkalojmë faktin se për të arritur te suksesi duhet shumë punë, praktikë dhe net të tëra pa gjumë. Bëni çdo ditë diçka, pa i treguar askujt.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/zakone-qe-i-paraprijne-suksesit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala