Ymeri: Menduan se në UNESCO ka shefa si Grabovci e Beqiri që i “sjellë e i pshtjellë”

Autori:Gazeta Fjala

Lideri i Lëvizjes Vetëvendosje, Visar Ymeri, përmes një statusi në Facebook ka kritikuar të kreun e doplomacisë Hashim Thaçin si dhe zëdhënësin e tij Petrit Selimin, për dështim në anëtarësim në UNESCO.

Në vijm mund ta lexoni statusin e plotë të Ymerit.

“Dështimi për t’u anëtarësuar në UNESCO do të na ndjek, neve si shtet, për një kohë të gjatë. Përgjegjësia e drejtpërdrejt politike bie mbi Hashim Thaçin, tash ministër i jashtëm e më parë kryeministër i Republikës.

Ka shumë faktorë që e kanë kushtëzuar këtë dështim. Por kryesori nga ta lidhet me Hashim Thaçin, me paaftësinë, sharlatanizmin e ambicien e tij të sëmurë personale.

Dështimi për sigurimin e votave madje edhe të shteteve që na kanë njohur nuk do koment. Aq më i rëndë është fakti kur 3 votat që do të na bënin anëtarë të UNESCO-s do të mund fare lehtë të siguroheshin nga 3 vende, Japonia, Polonia e Koreja e Jugut, të cilat abstenuan, por të cilat nuk kanë nguruar fare ta njohin Kosovën dhe në të cilat ndikimi diplomatik i ShBA-ve është jashtëzakonisht i madh. Si dështoi Thaçi t’i sigurojë të paktën këto vota PËR? Apo edhe këto na qenkan vende diktatoriale!?

Procesi nuk duket të ketë qenë i mbështetur, ashtu siç po thuhet, nga shtetet e Quintit që nga fillimi i tij.

Fushata ka qenë e orientuar kah diplomacia publike e jo kah ajo klasike, për qëllime promovimi personal të Hashim Thaçit e Petrit Selimit, e që rezultoi në fund me disfatë të madhe. Ajo është udhëhequr si ndërmarrje private e Hashim Thaçit. Ndërkohë që tash dështimin po do t’ia faturojë tërë Republikës së Kosovës.

Fushata e Hashim Thaçit e Petrit Selimit nuk e ka respektuar fare parimin e konfindencialitetit dhe heshtjes duke bërë shumë bujë e tepër shumë reklamë personale nëpër rrjetet sociale e faqen e internetit të MPJ-së, gjë që e ka dëmtuar shumë procesin e lobimit.

Hashim Thaçi është sjellur karshi konferencës së UNESCO-s sikur aty shefa të shefave të ishin Adem Grabovci e Ismet Beqiri, të cilët i “sjellë e i pshtjellë”. Por ja që kjo sjellje e pshtjellje e Hashim Thaçit po i kushton shumë shtrenjtë Republikës së Kosovës dhe qytetarëve të kësaj Republike.

Nuk mund të shpëtohet edhe Thaçi edhe Republika. Ne duhet ta shpëtojmë Republikën. Prandaj Thaçi duhet të dorëhiqet”, ka shkruar Ymeri në Facebook.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ymeri-menduan-se-ne-unesco-ka-shefa-si-grabovci-e-beqiri-qe-i-sjelle-e-i-pshtjelle/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala