Lajme 5 vite më parë

Washington po insiston në formimin e Asociacionit

Autori:Avdyl Pajaziti

Deputeti serb Milovan Drecun ka thënë se Serbia duhet të luftojë për Asociacionin, pasi për këtë e ka edhe mbështetjen e SHBA’bë. Drecun, i cili është edhe njëri nga propagandistët më të mëdhenj të viteve 90’të kundër Kosovës, ka thënë se pas Asociacionit do të diskutohet për “pasurinë e Serbisë” në Kosovë.
Drecun i cili është Kryetar i Këshillit Për Kosovë dhe Metohi në Parlamentin e Serbisë, ka thënë se Serbia po i përmbush obligimet e veta.

“Serbia duhet të luftojë për Asociacionin e Komunave serbe dhe për normalizimin marrëdhënieve Me Kosovën në mënyrë që në rend dite të vijnë çështje më të rëndësishme siç është pasuria e Serbisë në Kosovë”, ka thënë ai.

Ai ka shtuar se Serbia, përkundër Kosovës, po i përmbush detyrimet e veta që i ka marrë në Bruksel. Sipas tij, nga BE ka ardhur mesazhi se Prishtina duhet të përmbushë atë që është arritur në Bruksel dhe se ajo duhet ta themelojnë Asociacionin e Komunave serbe.

“Mua më ka trimëruar qëndrimi i ShBA-ve nga kontaktet personale me diplomatët e saj, në të cilat është thënë se ata insistojnë që të formohet AKS dhe kjo gjë tregon se Washingtoni sheh mirë se sa qenësor është për stabilizim formimi i kësaj bashkësie”, thotë Drecun. 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/washington-po-insiston-ne-formimin-e-asociacionit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala