Lajme 6 vite më parë

Vrasja e Bin Ladenit, gënjeshtër

Autori:Avdyl Pajaziti

Shtëpia e Bardhë po e gënjen publikun se Shtetet e Bashkuara e kanë vrarë Bin Ladenin në majin e vitit 2011.

Kështu pretendon gazetari Seymour Hersh, fitues i çmimit “Pulitzer”, transmeton Klan Kosova.

Në një artikull të publikuar në “London Review of Books”, ai shkruan se vrasja e kryeterroristit është e pavërtetë duke u nisur nga fakti se presidenti amerikan, Barack Obama, e bëri të ditur lajmin për vdekjen e Ladenit duke thënë se ai u vra pas një luftimi me ushtarët amerikanë, ndonëse sipas tij, zyrtarët pakistanezë nuk ishin njoftuar paraprakisht për bastisjen nga ana e amerikanëve.

Gazetari hulumtues amerikan shkruan më tej se ish-kreu i Al-Qaedas nuk ishte duke u fshehur në Pakistan, ashtu siç kishte informuar qeveria amerikane.

Hersh pretendon se Shërbimet e Brendshme të Inteligjencës në Pakistan po e mbanin Ladenin si të burgosur deri në momentin kur një zyrtar i këtyre agjencive e informoi Amerikën për vendnodhjen e tij në shkëmbim të 25 milionë dollarëve.

Vetëm pak orë pas publikimit, artikulli i Hersh ka tërhequr vëmendjen e publikut duke ngritur shumë pikëpyetje.

Hersh deklaron se burimet e tij kryesore të informatave vijnë nga burimet e brenda shërbimeve të Inteligjencës së Shteteve të Bashkuara.

Ai ka thënë se e ka kontaktuar Shtëpinë e Bardhë për ndonjë koment, por nuk ka marrë përgjigje.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vrasja-e-bin-ladenit-rrene/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala