Vlorë, shënohet viktima e parë nga përmbytjet

Autori:Gazeta Fjala

Mbrëmë një shi i dendur në Shqipëri ka shkaktuar vërshime në disa qytete duke paralizuar lëvizjen.

Përmbytjet në Vlorë kanë shkaktuar viktimën e parë. Trupi i pajetë i një qytetari është gjetur pranë bregut të detit. Autoritetet e kanë identifikuar dhe konfirmuan se vdekja është shkaktuar nga përmbytjet.

Përveç Vlorës edhe Fieri ndër qytetet më të dëmtuara nga përmbytjet e shkaktuara nga reshjet e dendura të shiut.

Në Vlorë uji ka hyrë në dhjetëra biznese e shtëpi që i ka bërë të pabanueshme. Pjesa më e madhe e rrugëve kryesore ka qenë gjatë gjithë natës nën pushtetin e ujit.

Kurse në Fier, zona përgjatë lumit Gjanicë që kalon përmes qytetit është nën ujë, niveli i të cilit ka arritur deri në katet e dyta të disa ndërtesave që janë afër bregut. Dalja e Gjanicës nga shtrati ka bllokuar unazën e qytetit dhe ka ndërprerë lëvizjen e makinave drejt Vlorës, transmeton Koha.net

Në lagjen” 1 Maji” në Fier uji ka arritur në afro dy metër. Në dy qytetet situata po menaxhohet nga shtabet e emergjencave.

Përmbytje kanë përfshirë edhe qytete të tjera si Lushnja, Berati e Gramshi.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vlore-shenohet-viktima-e-pare-nga-permbytjet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala