Vizat nuk i heqin telashet e kosovarëve  

Autori:Zekirja Shabani

Heqja e vizave dhe lëvizja e lirë drejt zonës Schengen për qytetarët e Kosovës nuk është mjet për t’u ikur problemeve, ka thënë përfaqësuesi special i BE-së në Kosovë, Samuel Zhbogar, shkruan sot Koha Ditore.

Sipas tij, Kosova duhet të ofrojë argumente bindëse për vendet anëtare të BE-së se e meriton t’i hiqen vizat. Këto komente përfaqësuesi i BE-së i ka bërë gjatë një konference të organizuar nga Kolegji ISPE me temën “Rruga e Kosovës drejt Bashkimit Evropian: sfidat dhe prioritetet”.

“Procesi i liberalizimit të vizave varet nga plotësimi i kritereve dhe këtë e tha edhe komisionieri Avramopoulos që ishte për vizitë dje në Kosovë. Ai kërkoi ndihmë nga institucionet e Kosovës, në mënyrë që ne t’u ndihmojmë juve. Janë miratuar ligje në Kosovë, por duhet luftimi i korrupsionit në nivele të larta”, ka thënë Zhbogar. Ai më tej ka shtuar se liberalizimi nuk është mjet përmes të cilit mund të ndalet migrimi ilegal i njerëzve.

I dërguari special i BE-së ka përmendur edhe tri prioritete të tjera, të cilat duhet të jenë në agjendën e institucioneve të Kosovës. Prioriteti i parë, sipas Zhbogarit, duhet të jetë zhvillimi ekonomik, si çelës për zgjidhjen e problemeve që ka Kosova. Ai ka thënë se Kosova duhet të krijojë një ambient për investitorët e huaj, si dhe të vërë në veprim potencialin e saj, sidomos në turizëm.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vizat-nuk-i-heqin-telashet-e-kosovareve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala