Vetëvendosje: Ne e gjuajtëm me vezë Isa Mustafën në Podujevë

Lëvizja Vetëvendosje e ka pranuar se aktivistët e tyre e kanë gjuajtur me vezë kryeministrin Isa Mustafa në Podujevë.
“Policia ka arrestuar dhunshëm dy aktivistë të Lëvizjes”, thuhet në komunikatën e Vetëvendosjes.
“Isa Mustafa po e mbron me çdo kusht ‘Zajednicën’ e tij. Edhe kur zyrtarët e Serbisë, me të cilët ai ka bërë marrëveshje, e quajnë vendin tonë ISIS dhe e pengojnë në çdo nismë ndërkombëtare. Isa Mustafa vazhdon të jetë i përbetuar ndaj ‘Zajednicës’”, shkruan Vetëvendosje.
“Ne nuk do të lejojmë funksionimin normal të qeverisë së tij, pa u tërhequr marrëveshjet me Serbinë”.