Veteranët: Përmes protestës, do ta godasim qeverinë në buxhet

Autori:Avdyl Pajaziti

Veteranët e UÇK-së nesër për 24 orë do të protestojnë në Kaçanik.

Jeton Kuçi, nga Këshilli për Mbrojtjen e Veteranëve të UÇK-së ka thënë për ORAinfo, se arsyeja e mbajtjes së protestës në Kaçanik është që nga atje ta ndalojnë qarkullimin e mjeteve transportuese.

“Protesta do të fillojë nga ora 12 te Gryka e Kaçanikut dhe do të zgjasë 24 orë. Aty do të bllokojmë qarkullimin e vetëm të mjeteve transportuese, ndërkaq komunikacioni për udhëtarë do të jetë i lirë”, ka thënë Kuçi.

Ai ka treguar edhe arsyen e pengimit të mjeteve të transportit.

“Arsyeja është që drejtë aty e goditim qeverinë, që kërkesat tona me u zbatuar”, ka thana Kuçi.

Por ai, ka kërcënuar se nëse qeveria nuk do të realizojë kërkesat e tyre pas kësaj proteste, atëherë ajo do të mbahet në të gjitha pikat kufitare për të ndaluar qarkullimin e mjeteve transportuese me mallra.

“Nëse qeveria nuk realizon kërkesat tona pas kësaj proteste , atëherë protestat e tjera kanë me vazhduar te Dheu i Bardhë, në kufi me Shqipërinë, në Prishtinë dhe protestat do jenë të pandalshme”, është shprehur ai.

Kuçi ka thënë se përmes protestës kërkojnë që të realizohen tri kërkesa të veteranëve.

“Kërkesa e parë është që veteranët që skano kontest të ankesave me iu leshu menjëherë vendimi i veteranit.

Kërkesa e dytë është me u leshu një udhëzim administrativ nga qeveria në mënyrë që veteranët me i gëzuar benefitet e veta.

Dhe, kërkesa e tretë është me u përfunduar sa më shpejtë shqyrtimi i ankesave, që i ka marrë përsipër komisioni qeveritar”, ka njoftuar ai. /ORAinfo/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/veteranet-permes-protestes-do-ta-godasim-qeverine-ne-buxhet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala