Vetëm gjatë korrikut mbi 1 milion kosovarë vizituan Shqipërinë

Autori:Gazeta Fjala

Në tre vendkalimet kufitare drejt Shqipërisë, Vërmicë-Morinë, Qafë e Prushit dhe Qafë e Morinës, sot pas orës 00:09, edhe në kushtet e fluksit të lartë që vazhdon, nuk ka pritje e kolona në hyrje-dalje.

Në Vërmicë, vendkalimi kryesor nëpër autostradë, në këto momente, në dalje drejt Shqipërisë nuk ka kolona e pritje, e në hyrje drejt Kosovës kalohet për më së shumti 5 -10 minuta në kolonë vetëm 20 metra.

Sipas Qendrës Kombëtare për Menaxhim Kufitar të Kosovës, në pikat kryesore kufitare me shtetet tjera, drejt Serbisë në Merdare në dalje pritet 30-60 minuta në kolonë 1 kilometër, drejt Maqedonisë në Han të Elezit pritet 2-5 minuta pa kolona, drejt Malit të Zi në Kullë pritjet janë 2-5 minuta në kolona 20 metra.

Në pikat kufitare Kosovë-Shqipëri, në korrik 2015 ka pasur më shumë se një milion (1023970) hyrje dalje të personave, afër gjysmë milioni (481933) apo afër dyfish më shumë se në korrikun 2014, kur kishe 542037 hyrje-dalje.

Në qershor 2015 ka pasur gjithsejtë 500 288 hyrje-dalje të personave, sipas të dhënave të njoftuara ekskluzivisht për ATSH nga Policia e Kosovës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vetem-gjate-korrikut-mbi-1-milion-kosovare-vizituan-shqiperine/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala