Vetëm 23 mijë biznese, të fiskalizuara

Autori:Avdyl Pajaziti

Avdullah Hoti, ministër i Financave, gjatë një interviste për gazetën “Zeri”, thotë se numri i përgjithshëm i bizneseve të fiskalizuara deri më tani arrin mbi 23 mijë. Ai premton se gjatë këtij viti do t’i rrisin aktivitetet në fiskalizimin e bizneseve

Ministri i Financave, Avdullah Hoti, bën të ditur se deri më tani janë fiskalizuar 23,385 biznese, ndonëse vlerësohet se janë mbi 50 mijë biznese aktive në vend. Megjithatë, numri një i financave në Kosovë thotë se gjatë këtij viti do t’i rrisin aktivitetet në fiskalizimin e bizneseve. Gjatë një interviste për gazetën “Zëri”, ministri Hoti ka folur edhe për rritjen prej 25% të asistencës sociale, rritjen e pensioneve, si dhe për milionat e ndara për investime kapitale. Sipas Hotit, MSA-ja e bën tregun e Kosovës pjesë të tregut evropian në një periudhë afatmesme.

” Kuvendi ka aprovuar Buxhetin për vitin 2016 në linjë të plotë me objektivat e Qeverisë për rritje të qëndrueshme ekonomike dhe stabilitet buxhetor dhe të harmonizuar me Fondin Monetar Ndërkombëtar. Me buxhetin e vitit 2016 është rritur për 25% asistenca sociale për rreth 27 mijë familje që janë në këtë skemë. Është rritur për 34% buxheti për skemat e pensioneve të financuara nga shteti përreth 40 mijë pensionistë kontributdhënës. Është ndarë buxhet i mjaftueshëm për kompensimin e rreth 80 mijë të punësuar në sektorin publik për gjithë vitin, që është një kosto prej 40 milionë eurosh”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vetem-23-mije-biznese-te-fiskalizuara/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala