Vështirësitë e dialogut

Duke pritur vazhdimin e dialogut në Bruksel, pala serbe pohon se Prishtina qëllimisht dëshiron ta shtyjë atë, pasi, siç transmeton RTS, për Serbinë dhe për serbët në Kosovë, më i rëndësishmi është formimi i Asociacionit të Komunave Serbe.

Pasuria, barrikada në lumin Ibër dhe për Serbinë çështja, që sipas këtij medium serb, bën 40 për qind të Marrëveshjes së Brukselit- Asociacionit të komunave serbe janë tema që nuk u zgjidhen në takimin e raundit të qershorit e për të cilat, të paktën beson pala serbe, do të zgjidhen deri në fund të korrikut.

Drejtori i Zyrës për Kosovën ka thënë se Prishtina me një fjali të thjeshtë thotë se çështjen e pasurisë e lë për një bisedime të ardhshme.

“Ne kemi dëshmi të qarta për pasurinë dhe ne kërkojmë që çështja e pasurisë të jetë temë e dialogut”, ka theksuar Gjuriq.

Ai ka shtuar se qëllimi i Prishtinës është që me një hap të zgjidhë pronësinë ndaj tërë sistemit elektrodistributiv në Kosovë, përfshirë hidrocentralin e Gazivodës dhe trafostacionin Vallaq që për Serbinë janë të papranueshme.

Analisti politik nga Beogradi Dushan Janjiq thotë se “priten tri marrëveshje të veçanta, për telekomunikacionin, AKS-në, еlektroekonominë dhe një marrëveshje për parimet e përgjithshme, i ashtuquajturi Brukseli 2.