Veseli: Asambleja Kombëtare e Francës është referencë e vlerave demokratike

Autori:Avdyl Pajaziti

Kryetari i Kuvendit të Kosovës, Kadri Veseli, ka pritur të martën në një takim, një grup deputetësh nga Asambleja Kombëtare e Francës, në kuadër të takimeve të Grupit të Miqësisë që funksionon në mes parlamenteve të të dyja vendeve.

Veseli me anë të një postimi në Facebook, ka thënë Asambleja Kombëtare e Francës është referencë e përhershme e lirive njerëzore, dhe se Kuvendi i Kosovës i sheh me prioritet  raportet me këtë asamble.

 

“Sot prita në takim një grup deputetësh nga Asambleja Kombëtare e Francës, në kuadër të takimeve të Grupit të Miqësisë që funksionon në mes parlamenteve të të dyja vendeve tona”.

 

“Asambleja Kombëtare e Francës është referencë e përhershme e lirive njerëzore dhe vlerave demokratike, për të gjitha vendet që aspirojnë standardet më të larta të demokracisë. Duke u nisur nga kjo, Kuvendi i Kosovës i sheh me prioritet të veçantë marrëdhëniet me Asamblenë Kombëtare të Francës”.

 

“Liberte, Egalite, Fraternite! Ja vizioni më madhështor i njerëzimit”, ka shkruar Veseli në Facebook.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/veseli-asambleja-kombetare-e-frances-eshte-reference-e-vlerave-demokratike/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala