Lajme 6 vite më parë

Veseli: 2 korriku 1990 shënon anulimin e agresionit të Jugosllavisë

Autori:Avdyl Pajaziti

Kuvendi i Kosovës ka nisur seancën solemne për nder të 25 vjetorit të Deklaratës Kushtetuese të Kosovës e cila u lexua me 2 korrik 1990.
Seancën e ka nisur kryeparlamentari Kadri Veseli, i cili ka thënë se ndihet i nderuar që prezent në sallën e Kuvendit janë deputetët të cilët kanë qenë prezent në vitin 1990 me leximin e kësaj deklarate.

“Në këtë ditë 25 vite më parë delegatët e Kuvendit të Kosovës nxorën deklaratën Kushtetuese të Kosovës. Kemi nderin që sot ata deputetë i kemi këtu prezent të lirë. Barazi ose shkëputje ky ishte vullneti i lëvizjes shqiptare asaj kohe. Delegatët e Kuvendit të Kosovës përmes deklaratës Kushtetuese anuluan agresion e Jugosllavisë. Me 1999 ne nuk fituam vetëm lirin por fituam edhe rreshtimin në anën e drejtë të demokracisë. Për ne ku rreshtim është dhe do të mbetet vlerë e pacenueshme ndërkombëtare”, ka thënë Veseli, transmeton indeksonline.

Në këtë seancë të pranishëm janë presidentja e vendit, Atifete Jahjaga, kongresmeni i SHBA-ve Eliot Engel, si dhe deputetët e Kuvendit të Kosovës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/veseli-2-korriku-1990-shenon-anulimin-e-agresionit-te-jugosllavise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala