Verifikimin e veteranëve të UÇK-së po e vonojnë disa komandantë

Autori:Avdyl Pajaziti

Përfaqësuesi i Komisionit qeveritar për verifikimin e veteranëve të UÇK-së, Xhavit Jashari, ka bërë thirrje të mos prolongohet procesi i verifkimit, në të kundërtën veteranët e luftës nuk do të rrinë duarkryq.

Ai ka thënë se vonesat janë duke ndodhur për shkak të neglizhencës së disa komandantëve dhe vartësve të tyre.

“Komisioni është i vetëdijshëm për punën që është duke e kryer. Besoj se askujt nuk do t’i bëhet e padrejtë. Por, as atyre që nuk kanë qenë në luftë nuk do t’u lejohet të jenë pjesë e këtyre listave”, ka deklaruar Jashari për “Epoka e re”.

Duke komentuar deklaratën e Daut Haradinajt, se nuk do ta nënshkruajë listën nëse pjesë e saj nuk janë të gjithë ushtarët e tij, Jashari ka thënë se ata që kanë ikur nga vija e frontit nuk do ta marrin statusin e veteranit.

Në këtë kontekst, ai ka bërë thirrje që procesi i verifikimit të mos prolongohet.

Megjithëkëtë, siç thotë Jashari, nuk ka rrezik që ky proces të dështojë, dhe se beson që listat do të jenë të pranueshme nga të gjithë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/verifikimin-e-veteraneve-te-uck-se-po-e-vonojne-disa-komandante/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala