Vazhdon lufta për bërllokun

Autori:Avdyl Pajaziti

Bërlloku i kryeqytetit pritet të jetë një nga temat më të nxehta gjatë verës në Komunën e Prishtinës. Kjo, sepse hendeku i mosmarrëveshjeve ndërmjet pushtetit dhe opozitës është thelluar edhe më shumë, ndërsa pritet të jetë temë debati në seancën komunale të qershorit.

I pari i kryeqytetit, Shpend Ahmeti, ka bërë të ditur se do t’i ndajë rrugët edhe me ligj me kompaninë regjionale të mbeturinave “Pastrimi”, e cila udhëhiqet nga zyrtari i LDK-së, Feim Sailhu. Ahmeti po pretendon që t’i privatizojë shërbimet e mbledhjes së mbeturinave, por që paraprakisht ka thënë se i duhet të dërgojë në Kuvend për miratim rregullore për shërbimin e privatizimit të mbeturinave në një pjesë të qytetit.

Partia opozitare LDK-ja, e cila pas e ka edhe PDK-në nga ku e përbejnë shumicën në Asamble, ia ka bërë të qartë Ahmetit se nuk do t’ia kalojë rregulloren./Zeri/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vazhdon-lufta-per-berllokun/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala