Vazhdon gjykimi i Ivanoviqit

Autori:Zekirja Shabani

Seanca në Gjykatën Themelore të Mitrovicës në veri të këtij qyteti kundër Oliver Ivanoviq dhe katër serbëve tjerë, të dyshuar për vepra të rënda penale ndaj popullatës shqiptare të kryera mes datës 3 dhe 4 shkurt të vitit 2000 në veri të Mitrovicës do të vazhdojë sot, ndërsa dëshmitar do të paraqitet Gani Xhaka.

Në gjykimin e djeshëm kundër Ivanoviqit, Dragolub Delibashiqit, Ilija dhe Nebojsha Vujaçiq dhe Aleksandar Llazoviqit, para trupit gjykues të EULEX-it dëshmoi Shaip Canhasi.

Ai rrëfeu se natën në fjalë ka qenë në banesën e tij bashkë me bashkëshorten dhe një polic të UNMIK-ut nga Jordania, kur 6 deri në 8 persona kanë hyrë me dhunë dhe kanë vrarë gruan duke shkrepur dy plumba mbi të.

Sipas tij, personat që kanë thyer derën dhe kanë kryer vrasjen, nuk kanë qenë të uniformuar, por civilë, dhe nuk u janë parë armët.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/vazhdon-gjykimi-i-ivanoviqit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala