Varshmëria nga “të hyrat nga kufiri” rrezik për buxhetin Kosovës

Autori:Avdyl Pajaziti

Varshmëria e lartë në “të hyrat nga kufiri” shihet si një karakteristikë e rrezikshme e sistemit tatimor të Kosovës. Kështu vlerëson Banka Botërore, e cila përmes një raporti shpjegon se struktura e tanishme e ekonomisë së Kosovës sqaron karakteristikat e tanishme të bazës tatimore.

“Për zhvillim të qëndrueshëm fiskal është i domosdoshëm një kalim shkallë-shkallë drejt të hyrave nga tatimet e drejtpërdrejta – tatimi në të ardhurat personale, tatimi në të ardhura të korporatave, sigurimi social, dhe tatimi në pronë – dhe nga TVSH-ja dhe akciza vendore”, thuhet në raport, në të cilin bëhet e ditur se vetëm në vitin 2012, rreth 71 për qind e të hyrave ishin mbledhur në kufi në formë të tatimeve tregtare dhe TVSH-së në importe.

Sipas Bankës Botërore gjatë viteve të fundit, importet në Kosovë kanë pas një vlerë mes 52 deri në 57 për qind të BPV-së.
“Një kombinim i zëvendësimeve të importeve, çmimeve më të ulëta të naftës dhe materialeve ndërtimore dhe një ngadalësim i kërkesës vendore në vitin 2013 kanë rezultuar në mbledhje më të ulët nga të hyrat në kufi se sa plani për 8.8 për qind, dhe rënie prej 1 për qind vit më vit për herë të parë gjatë dekadës së fundit”, shkruan në raport./Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/varshmeria-e-te-hyrat-nga-kufiri-rrezik-buxhetin-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala