Lajme 6 vite më parë

Varrosen mbetjet e 21 viktimave në Çikatovë

Autori:Avdyl Pajaziti

Sot u varrosën mbetjet e 21 personave, të cilat Departamenti i Mjekësisë Ligjore (DML) ua ka dorëzuar këtë javë familjeve të tyre.
Trupat e 21 të vrarëve ju kishin dorëzuar familjarëve të tyre dje (e enjte) dhe u varrosën në fshatin Çikatovë dhe në atë Gllanasellë, në komunën e Gllogocit.

Viktimat ishin gjetur në Rashkë, Serbi në vitin 2014 dhe janë pjesë e ngjarjeve gjatë luftës në Rrezallë, komuna e Skenderajt dhe në Çikatovë, komuna e Gllogocit.

Gjatë operacionit të zhvarrosjes i cili ka zgjatur dy muaj në Rashkë (prej muajit prill deri në qershor 2014) janë gjetur mbetjet e gjithsej 54 personave. Janë bërë 53 identifikime, ndërsa, një person ende nuk është identifikuar meqë nuk ka përputhje të ADN-së.

Mbetjet e katër personave ju ishin dorëzuar familjeve të tyre më 18 shtator 2014.

Deri më tani, DML ka kryer 485 operacione në terren gjatë të cilave janë gjetur 398 persona dhe mbetjet e 462 personave, 359 prej të cilëve ishin të regjistruar si persona të zhdukur, u janë dorëzuar familjeve të tyre.

21 trupa cikatove vvarosen

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/varrosen-mbetjet-e-21-viktimave-ne-cikatove/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala

Të Ngjashme