Urdhërarrestet “ngujojnë” deputetët

Autori:Avdyl Pajaziti

Prokurorët e Prokurorisë Themelore të Prishtinës edhe të dielën janë marrë me identifikimin e personave që kanë sulmuar Policinë gjatë protestave të fundit të organizuara nga opozita, duke përfshirë këtu edhe deputetët që kanë hedhur gaz lotsjellës në seancat plenare të Kuvendit.

Kështu bëjnë të ditur burime të gazetës “Zëri” brenda Prokurorisë.

“Ne e kemi bërë kërkesën dhe jemi në pritje të zbatimit të urdhërarrestit nga ana e Policisë, në mënyrë që të sigurohet prania e të dyshuarve”, ka thënë për “Zërin” zyrtarë nga Prokuroria.

Në anën tjetër, Policia e Kosovës konfirmon se është në kërkim të personave, ndaj të cilëve është lëshuar urdhërarresti.

“Policia e Kosovës është institucion i zbatimit të ligjit, i të gjitha vendimeve dhe fletarresteve të ligjshme që vijnë nga organet e drejtësisë.

Lidhur me këtë Policia e Kosovës, duke u bazuar në mandatin e saj ligjor, do t’i realizojë dhe do t’i zbatojë fletarrestet”, ka thënë të dielën zëdhënësi i Policisë së Kosovës, Baki Kelani.

Megjithatë, deputetja e Lëvizjes “Vetëvendosje”, Albulena Haxhiu, as që planifikon të paraqitet në Prokurori, pavarësisht urdhërarrestit për të.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/urdherarrestet-ngujojne-deputetet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala