UN të tmerruar nga sulmet në Siri

Autori:Avdyl Pajaziti

Shefi i Kombeve të Bashkuara, Stephen O’brien, tha të Hënën se ai është “tmerruar” nga sulmet që po u bëhen civilëve në Siri, duke tërhequr vërejtjen se ky konflikt i tejzgjatur nuk ka efekt vetëm në jetët e miliona njerëzve por gjithashtu kërcënon stabilitetin e tërë regjionit, transmeton Gazeta Fjala.

Stephen O’brien tha për gazetarët që “sulmet ndaj civilëve janë të paligjshme, të papranueshme dhe urgjentisht duhet të ndalen”. O’Brien dha këto komente pas vizitës 3 ditore në Siri, gjatë së cilës ai u takua me zyrtarë të vendit dhe vizitoi provincën e Homs.

“Unë posaçërisht jam i tmerruar nga sulmet ajrore të bëra dje, duke shkaktuar vdekjen dhe lëndimin e qindra civilëve, në qendrën e Douma-s”, tha O’Brien. “Jam i tmerruar nga mosrespekti total i jetëve të civilëve në këtë konflikt”.

Konflikti në Siri ka vrarë më shumë se 250 mijë njerëz dhe ka lënduar së paku një milion./Gazeta Fjala/

Marrur nga AP

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/un-te-tmerruar-nga-sulmet-ne-siri/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala