Ujësjellësi konfirmon se një pjesë e kryeqytetit është stabilizuar me pastërtinë të ujit

Autori:Gazeta Fjala

Ekipet në terren të Kompanisë së Ujësjellësit Rajonal “Prishtina”, janë duke pastruar rrjetat e ujësjellësit dhe uji në disa pjesë veç ka filluar të normalizohet.

Zëdhënësja e Ujësjellësit , Arjeta Mjeku konfirmon se tashmë në pjesën më të madhe uji është i pijshëm. Ajo tha se tani është vërtetuar që uji është brenda standardeve, transmeton ksp.

Ndërkaq, në pjesët e mbetura është duke u punuar që uji të normalizohet.

“Ekipet e ujësjellësit janë në teren ,dhe kanë qëndruar gjatë gjithë ditës së sotme për t’i pastruar rrjetat e ujësjellësit. Uji ka filluar të normalizohet në pjesën më të madhe, dhe është i pijshëm”, tha Mjeku, përmes telefonit.

Dje, Kompania e Ujësjellësit Rajonal ”Prishtina”, ka njoftuar konsumatorët të cilët furnizimin me ujë e marrin nga sistemi i Batllavës, se për shkak të punimeve që u zhvilluan dje në fshatin Lupq, sot uji në krojet e qytetarëve po i shkon i turbullt.

Kompania kërkoi nga qytetarët të mos shqetësohen dhe të kenë kujdes ditën e sotme, që ujin e pijshëm që vjen nga sistemi i Batllavës ta përdorin për higjienë dhe destinime tjera, ndërsa për pije jo, deri në stabilizimin e turbullirës, e që pritet të bëhet shumë shpejt.

Tani bën të ditur se gjendja është stabilizuar, dhe nuk ka arsye për shqetësim.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ujesjellesi-konfirmon-se-nje-pjese-e-kryeqytetit-eshte-stabilizuar-me-pastertine-te-ujit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala