Eko 6 vite më parë

Ujësjellësi kërkon që uji i Batllavës të mos pihet deri në pastrimin e tij

Autori:Gazeta Fjala

Punimet teknike dje në fshatin Lupq dhe Vranidoll, sot shkaktuan turbullirë të ujit të pijshëm te konsumatorët që furnizohen nga sistemi i Batllavës.

KUR “Prishtina” ka njoftuar konsumatorët që furnizohen me ujë të pijshëm nga sistemi i fabrikës së Batllavës, , se mund të ketë çrregullime në sistemin e rrjetit të ujësjellësit rreth 6 orë.

Ujësjellsi njoftoi se u detyrua të ndërpresë prodhimin e ujit nga sistemi i Batllavës rreth 6 orë, për shkak të dëmtimit të valvolave të rrjetit të ujit që e rregullojnë sistemin e furnizimit me ujë për fshatrat Lupq dhe Vranidoll.

“Dëmtimi i këtyre valvolave të ujit ka ardhur si shkak i vjetërsisë së tyre dhe manipulimit të tyre nga ana e personave të panjohur dhe të pandërgjegjshëm, ku si pasojë ka ardhur deri te mungesa e ujit në fshatrat Lupq dhe Vranidoll, 4 ditë rresht”, njofton KUR “Prishtina”.

Tutje në njoftim theksohet se me përfundimin e punimeve që u realizuan dje nga ekipet e mirëmbajtjes së rrjetit të ujësjellësit, furnizimi me ujë të pijshëm iu kthye normalitetit.

““Kërkojmë nga qytetarët fillimisht të mos shqetësohen, dhe të kenë kujdes ditën e sotme, që ujin e pijshëm që vjen nga sistemi i Batllavës ta përdorin për higjienë dhe destinime tjera, përveç për pije jo, deri në stabilizimin e turbullirës, e që pritet shumë shpejtë”, përfundon njoftimi i KUR “Prishtina”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ujesjellesi-kerkon-qe-uji-i-batllaves-te-mos-pihet-deri-ne-pastrimin-e-tij/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala