Lajme 6 vite më parë

U kapën të gjallë, policia i shpalli të vdekur

Autori:Avdyl Pajaziti

Dy nga udhëheqësit e grupit të armatosur, Mirsad Ndrecaj – komandant “Nato”, dhe Beg Rizaj i njohur si komandant “Begu”, konfirmohet se janë në mesin e të vrarëve në përleshjen e ndodhur ditë më parë në Kumanovë të Maqedonisë.

Ministria e Punëve të Brendshme ka konfirmuar zyrtarisht për mediet në Maqedoni se trupi i Ndrecajt dhe i Rizajt janë në mesin e të vrarëve në aksionin policor të Kumanovës.

Sipas këtij njoftimi, identiteti i dy të vrarëve është vërtetuar në bashkëpunim me Byronë e INTERPOL-it në Shkup dhe se tek Mirsad Ndrecaj janë gjetur dokumentet e tij personale të identifikimit.

“Deri më tani është konfirmuar identiteti i Mirsad Ndrecajt, i lindur më 17.06.1979, nga Kosova, i ashtuquajtur komandant “Nato”, për të cilin kishte dyshime se është një nga udhëheqësit e grupit të armatosur.

Gjithashtu, konfirmohet edhe identiteti i Beg Rizajt i lindur më 25.12.1977, nga Kosova, i njohur si komandant “Begu””, thuhet në njoftimin e MPB-së të Maqedonisë/Zeri/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/u-kapen-te-gjalle-policia-i-shpalli-te-vdekur/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala