Trepça lidhet më hekurudhë

Autori:Avdyl Pajaziti

Trepça tashmë do të mund të eksportojë xehet përmes hekurudhës. Kjo, pasi është rilidhur me sistemin hekurudhor përmes linjës së Parkut Industrial të Trepçës në Mitrovicë.

Riparimi i linjës së dëmtuar nga lufta është bërë prej Infrakosit, ndërmarrje që operon me hekurudhat e vendit.

“Menaxhmenti dhe punëtorët e Infrakosit, kanë pasuar një privilegj që i kanë dal në ndihmë Trepçës, në riparimin e binarëve që nga Stacioni hekurudhor deri në depot e Trepçës”, ka thënë Drejtori i Infrakosit, Nexhmedin Rama.

Kjo ia ka lehtësuar jetën Trepçës.

“Hekurudha do të ketë një rëndësi të veçantë për Trepçën për  investitorët dhe blerësit, pasi që transporti i mallrave të Trepçës do të jetë më i lirë”, ka thënë Ahmet Tmava, Menaxher i ‘Trepçës’.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/trepca-lidhet-me-hekurudhe/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala