Toka e Kosovës është ASET i Kosovës

Autori:Avdyl Pajaziti

Shkruan: Seremb Gjergji

Trepça dhe të gjitha minierat tjera janë tokë e Kosovës, janë ASET i Kosovës. Këtë realitet nuk mund ta ndryshoi askush – ashtu sikur askush nuk mund ta ndryshoi integritetin territorial të Kosovës. Deklarimet serbe janë të kota – ashtu edhe duhet të trajtohen.

Qeveria e Kosovës ka nevojë dhe duhet të gjejë modelin i cili e bashkon Veriun dhe Jugun e Trepçës dhe të ndërtoi një kompani e cila jo vetëm që tejkalon Agjencionin e Privatizimit, por që hapë rrugën për investime të jashtme; dhe brenda një periudhe pesë (5) vjeçare bëhet shembull për zhvillim. Minierat tjera, menjëherë duhet ta ndjekin këtë rrugë.

As Trepça e asnjë minierë tjetër nuk duhet të jetë pjesë e bisedimeve ndërmjet Kosovës dhe Serbisë. Nuk ka as arsye e as nevojë. Asetët e Kosovës, janë vlerë e pa-negocuëshme me asnjë vend. Çdo zgjidhje e problemeve ligjore, pronësore apo edhe tregtare, duhet të gjendët në Kosovë; nga Institucionet e Kosovës dhe askund tjetër. Ndalimi i Procesit të FALIMENTIMIT të këtij gjiganti nga ana e Kuvendit të Kosovës është hap i fuqishëm drejt hapave të tjerë që do ta përkufizojnë pronësinë dhe vlerën reale të AKSIONEVE të sajë.

Presidenti i organizatës hulumtuese shqiptare “Mineralet Shqiptare”, z. Sahit Muaj ka thënë se hulumtimet në Kosovë kanë treguar se ka një rezervë të mineraleve të ndryshme – nga Ari e deri tek Hekuri dhe Qymyrin, Thëngjill Guri (Linjiti) më vlerë $2 triliard dollarë ($2.000.00 miliard). Vetëm Trepça ka rezerva të jashtëzakonshme për kapacitete botërore të Plumbit, Zinkut, Hekurit, Argjendit, Aluminit, Arit dhe rreth 13 minerale të rralla. Territori i Kosovës mesë shumti është i pasur me minerale si Qymyr, Zink, Ari, Argjend, Boksit (56% alumin), Magnez, Plumb, Krom, Asbestit, Mermerit, Plutoniumit dhe një sërë mineralesh të rralla.

Sipas ekspertit kosovare me famë botërore, Bajram Shabani – në proceset e reja teknologjike të përpunimit të metaleve – nga Mineralet e Kosovës mund të përfitohen edhe 3 metale të rënda që deri me tash ka qenë e pamundur.

Banka Botërore e renditë Kosovën në vendin e 15 në botë për rezerva të Thëngjillit me një vlerë prej $13.5 miliard dollar. Andaj, shfrytëzimi i thëngjillit është ESENCIAL për zhvillimin e Kosovës.

Institucionet e Kosovës duhet të bëjnë hapa gjigant në zhvillimin e Politikave Investuese në Kosovë dhe të lejojnë investimet e jashtme në vend – pa u kërkuar haraç dhe t’u mundësojnë atyre investime miliardësh. Rasti më i freskët është Gjenerali Clark i cili synon të zhvilloi “Derivate Sintetike” për automjete dhe aeroplan. Clark kishte thënë kur ishte në Kosovë: “Ky investim do të jetë ndryshim për vendin dhe hapë investimet e huaja miliardëshe për vendin”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/toka-e-kosoves-eshte-aset-i-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala