Thaçi : Mirëpresim mbështetjen e Kancelares Merkel

Autori:Gazeta Fjala

Ministri i Punëve të Jashtme i Kosovës, Hashim Thaçi në një intervistë për të përditshmen gjermane “Bild Zeitung” ka theksuar se mbështetja e Gjermanisë dhe kancelares Merkel është përcaktuese për të ardhmen e Ballkanit.

Thaçi ka theksuar për „BILD“ se Gjermania dhe specifikisht Kancelarja Merkel po luajnë një rol pozitiv me Procesin e Berlinit dhe investimet rajonale në infrastrukturën rrugore, hekurudhore dhe energjetike.

“Mënyra me e mire e ballafaqimit me problemet e emigrimit është të investohet në Ballkanin i cili është i rrethuar nga BE dhe ka potencial të madh të zhvillimit”, ka theksuar Thaçi, njofton zyra për informim e MPJ-së shkruan Gazeta Fjala.

Në këtë konferencë, zëvendëskryeministri Thaçi ka thënë se do të kërkojë që Kosova të futet në listën e shteteve të sigurta. Kjo sipas tij, do të ishte një mbështetje për  përpjekjet e autoriteteve kosovare për të parandaluar migrimin ilegal.

Tash e disa muaj, numri i emigrantëve kosovarë që hynë brenda ditës në Gjermani është nën 40”, ka thënë Thaçi. Sipas tij, edhe shtetet e rajonit, duke marr për shembull Kosovën, kanë filluar me kampanje të vetëdijesimit dhe kundër trafikantëve.

Ai ka thënë se situata në Kosovë është më e mira në 100 vitet e fundit. „Ne kemi pasur aparteid dhe gjenocid këtu dhe dilema para 15 vite ishte midis jetës apo vdekjes. Tani kërkesat e qytetareve janë natyrisht më të mëdha dhe ata dëshirojnë që përnjëherë t’i bashkëngjiten klasës së mesme evropiane”, ka shtuar Thaçi.

Për gazetën BILD që ka mbi 11 milion lexues të gazetës dhe 20 milion lexues online, Thaçi ka folur edhe për procesin e integrimeve evropiane, bashkëpunimin rajonal dhe themelimin e Gjykatës Speciale. / Gazeta Fjala

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/thaci-mirepresim-mbeshtetjen-e-kancelares-merkel/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala