Thaçi: Kosova do ta padis Serbinë për gjenocid

Presidenti i Kosovës, Hashim Thaçi ka thënë se çështja e rëndësisë jetike edhe për Serbinë edhe për Kosovën është çështja e personave të zhdukur për të cilën duhet të punojnë të dyja palët.

“Nuk duhet ta akuzojmë njëri-tjetrin, por së pari duhet të marrim përgjegjësi, secila palë për vete”, ka thënë presidenti kosovar.

“Kosova para Gjykatës Ndërkombëtare të Drejtësisë së shpejti do ta hap kapitullin e gjetjes së drejtësisë për gjenocid i kryer gjatë kohës së Sllobodan Millosheviqit”, ka thënë Thaçi për “Danas”.

Ai ka shtuar se është i tronditur me gjuhën e tablloidëve serbë, por edhe me gjuhën e disa politikanëve kur e përdorin në momentet që flasin për Kosovën.

“Edhe fushata e Serbisë kundër anëtarësimit të Kosovës në organizatat ndërkombëtare ka ngjyrim racor”, ka thënë Thaçi dhe ka shtuar se kjo është për keqardhje.