Lajme 6 vite më parë

Thaçi konfirmon vizitën në Beograd

Autori:Avdyl Pajaziti

Zëvendëskryeministri i Parë, njëherësh edhe ministër i Jashtëm i Republikës së Kosovës, Hashim Thaçi, ka konfirmuar pjesëmarrjen e tij në konferencën për integrime evropiane që do të organizohet në Beograd mes datës 23 dhe 25 prill, raporton b92.
Lajmërimin për konfirmimin e Ministrit të Jashtëm të Kosovës, Hashim Thaçit e ka bërë organizata jo qeveritare Komiteti për Arsimim të të rinjve, e cila edhe është nikoqire e kësaj konference me vendet e Ballkanit Perëndimor, transmeton Indeksonline.

Ftesa që i është bërë Hashim Thaçit së fundmi nga kjo organizatë, ka nxitur reagime të shumta në opinionin serb.

Ivica Daçiq, ministër i Jashtëm i Serbisë ka thënë se Hashim Thaçi nuk ka çfarë kërkon në Serbi, ndërkaq ka pasur zëra edhe të llojit se ai duhet të arrestohet me rastin e vizitës së tij në Beograd.

Por, duket se Hashim Thaçi ka vendosur t’i injorojë këto zëra duke konfirmuar pjesëmarrjen e tij në cilësinë e ministrit të Jashtëm të Republikës së Kosovës në këtë konferencë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/thaci-konfirmon-viziten-ne-beograd/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala