Lajme 6 vite më parë

Thaçi-Donikës: Mos e përdor emrin e Ramushit për marketing politik

Autori:Avdyl Pajaziti

Deputetja e AAK-së Donika Kadaj Bujupi ka kërkuar që interpelanca e ministrit të Punëve të Jashtme të Kosovës Hashim Thaçi në lidhje me demarkacionin me Malin e Zi të shtyhet.

Sipas Kadajt-Bujupi interpelanca duhet të shtyhet deri në kthimin e liderit të AAK-së Ramush Haradinaj që gjendet i ndaluar në Slloveni.

Ndërsa ministri Thaçi ka sugjeruar deputeten e AAK-së që mos ta keqpërdorë emrin e Ramush Haradinajt për marketing si dhe i ka thënë që është i gatshëm për ballafaqim me të gjithë.

“Madje merre edhe krejt mëhallën me vete”, i ka thënë Thaçi, Kadajt-Bujupi.

Duke folur për demarkacionin Thaçi tha se i respekton të gjitha marrëveshjet duke përfshirë edhe marrëveshjen e Kumanovës.

Për këtë të fundit Thaçi i ka thënë deputetes Kadaj-Bujupi që ta lexojë atë marrëveshje më mirë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/thaci-donikes-mos-e-perdor-emrin-e-ramushit-per-marketing-politik/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala