Tetë gjykatës të rinj filluan punën në Gjykatën e Apelit

Autori:Gazeta Fjala

Tetë gjyqtarë të rinj, të cilët ditë me parë u dekretuan nga ana e Presidentes së Republikës së Kosovës, Atifete Jahjaga, sot kanë filluar punën në Gjykatën e Apelit transmeton Gazeta Fjala.

Në njoftimin e Gjykatës së Apelit thuhet se gjashtë prej tyre, kontributin e vet do ta japin në Departamentin e Përgjithshëm- Divizioni Civil, një në Departamentin e Çështjeve Ekonomike, dhe një tjetër në Departamentin e Krimeve të Rënda

Gjyqtarët në fjalë, janë dëshmuar për sukses dhe profesionalizëm në gjykatat themelore ku kanë shërbyer deri me tani. Pesë prej tyre, Mahir Tutuli, Hava Haliti, Albert Zogaj, Nehat Idrizi dhe Rafet Haxha, vinë nga Gjykata Themelore e Prishtinës, ndërsa tre të tjerët, Qerim Ademaj nga Gjykata Themelore Pejë, Fejzullah Rexhepi – Gjykata Themelore në Ferizaj, dhe Isa Shala – Gjykata Themelore në Mitrovicë, dega në Skenderaj.

Me angazhimin e tyre, numri i përgjithshëm i gjyqtarëve të Gjykatës së Apelit, arrin në 38. Në bazë te planit të punës, pritet që kjo gjykatë, tash e tutje, të kryej për çdo muaj, mbi 200 lëndë me shumë. /  Gazeta Fjala

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/tete-gjykates-te-rinj-filluan-punen-ne-gjykaten-e-apelit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala