Termocentrali Kosova e Re rritet në 1200 megavat

Autori:Avdyl Pajaziti

Termocentralit “Kosova e Re” sërish I janë dyfishuar kapacitetetet. Sipas programit të qeverisë së Kosovës, të cilin e posedon Gazeta Fjala, fillimisht do të finalizohet tenderimi për ndërtimin e termocentralit “Kosova e Re”.

“Ky termocentral do të përfshijë këto kapacitete: 2×300 MW të cilat parashihet të hyjnë në operim deri në 2021 dhe 600 MW të tjerë deri më 2023”, thuhet në programin e qeverisë.

Qeveria synon të mos ndalet me kaq.

“Do të punohet në nxjerrjen e vendimit për zhvillimin e procedurave të tenderimit për ndërtimin dhe funksionalizimin e Hidrocentralit të Zhurit me kapacitet instalues prej 305 MW deri më 2017 me qellim te ndërtimit dhe funksionalizimit në periudhën 2018-2022. Do të finalizohen studimet përkatëse deri ne vitin 2017 dhe sipas vendimit të qeverisë do të zbatohen masat përkatëse me qëllim që të rehabilitohet termocentrali “Kosova B” gjate periudhës 2018 -2021”, thuhet në program.

Termcentrali “Kosova A” do të vazhdojë të jetë në funksion deri në ndërtimin e atij të riut.

Kosova, të njëjtën kohë do të unifikojë tregun energjetik me Shqipërinë për të arritur komplementaritet.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/termocentrali-kosova-e-re-rritet-ne-1200-megavat/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala