Telekomunikacioni në mëshirë të operatorëve

Autori:Avdyl Pajaziti

 

Edhe Posta dhe Telekomi i Kosovës po shkon drejt falimentimit. Por, menaxhmenti i sajë, edhe nëse dëshiron të marr ndonjë vendim strategjik për zgjerimin e shërbimeve, nuk mund ta bëjë sepse mungon bordi i Autoritetit Rregullativ të Komunikimeve Elektronike dhe Postare. Ekspertët mungesën e bordeve e quajnë të rrezikshme.

“Mungesa e bordit do të thotë se nuk ka monitorim të rregullt të tregut të telekomit. Si rrjedhojë e kësaj operatorët mund ta përdorin këtë hapësirë dhe rrjedhimisht mund të ketë çrregullim të tregut, që sigurisht do ta dëmtojë konkurencën e mirëfilltë”, tha për Gazetën Fjala, Shyqyri Haxha, doktor i shkencave të telekomunikacionit.

 

Ai ka vlerësuar se edhe liberalizimi i tregut të telefonisë cenohet pa bord funksional.

“Mungesa e një bordi, sidomos në Kosovë ku ka interferenca nga operatorë ilegalë është shumë e dëmshme për buxhetin e Kosovës. Në fakt nuk ka monitorim që përcjellë dhe rregullon sjelljen e operatorëve në tregune  e telekomit”, tha Haxha,i cili për disa vjet ka qenë edhe Kryeshef Ekzekutiv i PTK-së.

 

Ai ka tërhequr vërejtjen edhe tek investimet e jashtme. “ Mungesa e Brodit ndikon shumë keq edhe në investimet e huaja sepse asnjë operator potencial që dëshiron apo ka ndërmend të investojë në Kosovë, kur e sheh që bordi është jo funksional, tërhiqet”, tha Haxha.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/telekomunikacioni-ne-meshire-te-operatoreve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala