Të verbërve u mundësohet qasja në organet e drejtësisë

Autori:Avdyl Pajaziti

Personat e verbër tashmë kanë mundësi të kenë qasje në organet e drejtësisë. Ata do të mund të jenë aktiv në njoftimin e rasteve për korrupsion e të bashkëpunojnë me organet përkatëse, sikurse të gjithë qytetarët e Kosovës. Krejt kjo falë legjislacionit kundër korrupsionit, që tashmë është i përkthyer në gjuhën braile.

Shoqata e të Verbërve të Kosovës, e mbështetur nga Programi Anti Korrupsion i UNDP-së, dhe Agjencisë Kundër Korrupsion, promovuan sot ligjet anti-korrupsion, në gjuhën shqipe dhe serbe, në alfabeti braile.

E që krejt kjo ka për qëllim vetëdijesimin për nevojat e personave me aftësi të kufizuara në të pamur.

Kryetari i shoqatës, Rexhep Kadriu bëri thirrje tek institucionet që të bëjnë të mundur, që ligjet e rëndësisë së veçantë, të ofrohen në këtë alfabet për personat e verbër.

Programi i UNDP-së ka përkthyer edhe ligjin për agjencinë kundër korrupsion, ligjin për parandalimin e konfliktit të interesit, ligjin për deklarimin dhe prejardhjen kontrollit të pasurisë së zyrtarëve të lartë politik.

Menaxherja e programit, Shqipe Neziri tregon se kanë përgatitur edhe fletushkë me informata sesi do të mund të t’i drejtohen agjencisë kundër korrupsion për të raportuar në rast se dinë për shkeljen e të drejtave të njerëzve.

I pranishëm në ceremoninë e promovimit të legjislacionit ishte edhe ministri i drejtësisë Hajredin Kuçi.

Ai tha se duhet rritur implementimi i ligjit dhe shkalla e mbështetjes.

Ky aktivitet u mundësua falë ndihmës së Agjencisë Zvicerane për zhvillim dhe Bashkëpunim.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/te-verberve-u-mundesohet-qasja-ne-organet-e-drejtesise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala