Lajme 6 vite më parë

Task Forca heton 69 persona për korrupsion në EULEX

Autori:Avdyl Pajaziti

Një prokuror i EULEX-it ka provuar që t’u hyjë në e-maile zyrtare dy prokurorëve që po hetojnë dyshimet për korrupsion në EULEX.

Prokurori special, Kent Mortimore, që ka trashëguar rastin e policëve të akuzuar për shpërthimin në lokalin “Sekiraça”, ka provuar që të zbulojë dosjet dhe përmbajtjen e komunikimeve elektronike të prokurorëve Heikki Wendorf dhe Armend Hamiti, që drejtojnë Task Forcën e Pavarur për hetimin për korrupsion, shkruan sot “Koha Ditore”.

Këtë e ka bërë me arsyetimin se këta prokurorë kishin përdorur numrin e njëjtë të rastit të shpërthimit në bulevardin “Bill Clinton” dhe se kishin marrë informacione nga ish-prokurorja Maria Bamieh. Kërkesë për qasje ka kërkuar edhe në e-mailin zyrtar të ish-prokurores Bamieh, [email protected], por kjo nuk i është lejuar nga zyrtarët e lartë të misionit.

“Koha Ditore” ka siguruar një dosje zyrtare të EULEX-it që e dëshmon këtë. Në këtë dosje përfshihen pretendimet e këtij prokurori se paraardhësja e tij kishte fshehur dokumente me rëndësi. Gazeta ka siguruar edhe dëshminë e Florim Hasanit, që pretendon se ia kishte dhënë 250 mijë euro avokatit Mahmut Halimi për llogari të ish-kryetarit të Asamblesë së Gjyqtarëve të EULEX-it, Francesco Florit, dhe dëshmi të tjera të dëshmitarëve kyç..

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/task-forca-heton-69-persona-per-korrupsion-ne-eulex/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala