Lajme 6 vite më parë

Studim për efikasitetin e institucioneve në luftën kundër korrupsionit

Autori:Avdyl Pajaziti

Instituti Demokratik i Kosovës (KDI), anëtar i Transparency International, do të publikojë sot raportin e hulumtimit mbi vlerësimin e Sistemit të Integritetit Kombëtar (SIK), njoftoi KDI.

Qëllimi kryesor i këtij hulumtimi, sipas komunikatës, është vlerësimi i efektivitetit të institucioneve të Kosovës në parandalimin dhe luftimin e korrupsionit si dhe në nxitjen e transparencës dhe integritetit.

Raporti që do të promovohet përbën një analizë të 15 shtyllave që mbulojnë institucionet politike, institucionet e drejtësisë, institucionet e pavarura dhe institucionet joqeveritare.

Njëkohësisht raporti do të ofrojë rekomandime të shumta dhe të detajuara në mënyrë që të përmirësohet efikasiteti i institucioneve dhe shoqërisë në tërësi për të zvogëluar korrupsionin dhe për të siguruar një të ardhme më të mirë për qytetarët e Kosovës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/studim-per-efikasitetin-e-institucioneve-ne-luften-kunder-korrupsionit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala