Lajme 6 vite më parë

Sot pritet vetëm miratimi i amendamentit për Gjykatën Speciale, ligji në ditët në vijim

Autori:Avdyl Pajaziti

Deputetët e Kuvendit të Kosovës sot pritet të votojnë vetëm amendamentin që i hapë rrugë krijimit të Gjykatës Speciale. Por jo edhe projektligjin që e themelon Gjykatën, pasi për këtë duhet të kalohen edhe në disa procedura.

Debati në Kuvendin e Kosovës për Gjykatën Speciale nuk parashihet të përfundojë sot, pasi që ka ende proceduara tjera teknike. Kjo, për shkak se edhe nëse deputetët miratojnë amendamentin për krijimin e Gjykatës, projektligji për Gjykatën Speciale në Kuvend mund të sillet vetëm pasi ta ketë aprovuar Qeveria në mbledhjen e radhës.

Rrjedhimisht, Qeveria e Kosovës pritet të mbajë mbledhje të jashtëzakonshme, menjëherë nëse Kuvendi miraton ndryshimin e amendamentit, në mënyrë që të procedoj para deputetëve projektligjin për Specialen. Por, thirrjen e seancës së radhës për t’u votuar ky projektligj mund ta bëjë vetëm Kryesia e Kuvendit, tek pasi projektligjin ta ketë aprovuar Komisioni për Legjislacion.

E me gjasë kjo pritet të ndodhë në ditët e para të javës së ardhshme, në një seancë tjetër, shkruan Gazeta Express.

Ndryshe, në Kuvend deputetet po debatojnë për themelin e kësaj gjykate që nga ora 10:00 e mëngjesit të së premtes.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sot-pritet-vetem-miratimi-i-amendamentit-per-gjykaten-speciale-ligji-ne-ditet-ne-vijim/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala