Lajme 5 vite më parë

Skandaloze: Në Malishevë i përmirësohen notat djalit të deputetit të Nismës dhe kërcënohen gazetarët

Autori:Avdyl Pajaziti

Në gjimnazin “Hamdi Berisha” në Malishevë dyshohet se u prekën notat e nxënësve, përkatësisht iu përmirësua suksesi i djalit të deputetit të Nismës, Enver Hoti.

Por, ky lajm nuk i ka pëlqyer drejtorit të gjimnazit, i cili ka kërcënuar dhe ka përjashtuar nga objekti i shkollës ekipin e KTV-së. Ai nuk ka pranuar t’ia tregojë ditarin KTV-së, me arsyetimin se ditari nuk gjendet në shkollë.

KTV-ja më pas ka kërkuar sqarime nga drejtori i Arsimit në Komunën e Malishevës lidhur me rastin. Por, edhe në këtë institucion paraqitet drejtori i gjimnazit, i cili i bën presion drejtorit komunal të Arsimit që të mos flasë për rastin.

Ai ka vazhduar t’i drejtohet ekipit të KTV-së se nuk duhet të merren me këtë rast.

Mirëpo, pas një bisede të shkurtër që kanë pasur mes vete drejtori i Arsimit dhe i gjimnazit, ky i fundit, pavarësisht të gjitha kërcënimeve paraprake, ka pranuar të flasë para kamerës, duke mohuar se në shkollën e tij u ndryshuan notat e disa nxënësve, transmeton Koha.net.

Opozita e kësaj komune thotë se në këtë gjimnaz iu përmirësuan notat e dobëta nxënësve me qëllim të kalojë edhe djali i deputetit Enver Hoti.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/skandaloze-ne-malisheve-i-permiresohen-notat-djalit-te-deputetit-te-nismes-dhe-kercenohen-gazetaret/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala