S’ka BE për Serbinë pa njohjen e Kosovës

Autori:Avdyl Pajaziti

Spanja nuk e njeh pavarësinë e Kosovës për shkak të Katalonisë, por kjo është qesharake pasi populli katalunas do të vendosë lirshëm për të ardhmen e tij, e pranoi apo jo Spanja pavarësinë e Kosovës. Kështu ka thënë ndër të tjera në një intervistë ekskluzive dhënë “Zërit” eurodeputeti katalunas, Josep-Maria Terricabras.

Ai është i bindur që anëtarësimi i Kosovës në Bashkimin Evrpian është garancia më e mirë për stabilitet dhe zhvillim në Kosovë e rajon. Madje Serbia do të jetë e detyruar që ta njohë Kosovën, nëse synon integrimin në Bashkimin Evropian. Kështu ka thënë eurodeputeti katalunas Josep-Maria Terricabras, në një intervistë për gazetën “Zëri”, i cili në shumë prononcime ka përkrahur integrimin e Kosovën në BE.

Sipas tij, Parlamenti Evropian duhet të veprojë më shpejtë sa i përket liberalizimit të vizave me Kosovën. Mbetja e Kosovës, i vetmi vend i izoluar, sipas Terricabras, është një trajtim jo i drejtë nga Evropa që po u bëhet kosovarëve.

Eurodeputeti katalunas ka folur edhe për marrëdhëniet Kosovë-Serbi dhe kushtet që kjo e fundit do t’i ketë drejt integrimit.

“Njohja e Kosovës nga Serbia do të jetë absolutisht dhe padyshim e detyrueshme për Serbinë para se kjo të bëhet anëtare e plotë e Bashkimit Evropian”, ka thënë Terricabras. /Zëri

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ska-be-per-serbine-pa-njohjen-e-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala