Lajme 6 vite më parë

Situatë e qetë tek Kroi i Vitakut

Autori:Avdyl Pajaziti

Zëdhënësi i Policisë së Kosovës, Besim Hoti, në një prononcim për Telegrafin tha se në veri të Mitrovicës, përkatësisht në lagjen Kroi i Vitakut nuk ka asnjë shqetësim sa i përket situatës së sigurisë dhe çdo gjë është e qetë.

Hoti bëri të ditur se çështja e ndërtimit të shtëpive i takon pushtetit lokal dhe nuk ka të bëjë me Policinë.

“Me rëndësi është që Zyra administrative e komunës së Veriut, përkatësisht Inspeksioni i punës iu ka thënë punëtorëve që vetëm t’i ndalojnë punimet”, ka thënë ai.

Kjo çështje, sipas tij, i takon autoritetit të pushtetit lokal dhe nuk ka të bëjë me policinë.

“Policia ka qenë vetëm faktor që të parandalojë ndonjë incident të mundshëm në mes palëve dhe këtë e kemi bërë gjatë ditës së djeshme. Sot nuk ka ndonjë aktivitet në lidhje me këtë punë, situatë. Situata është tërësisht normale, e qetë. Policia për vite të tëra e ka prezencën aty për ta monitoruar situatën”, ka theksuar Hoti.

Ndryshe, Policia e Kosovës ditën e djeshme ka ndërhyrë në bazë të një urdhërese për ndalimin e punëve, të lëshuar më parë nga Inspektorati i komunës së Mitrovicës. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/situate-e-qete-tek-kroi-i-vitakut/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala