Si ta largoni kollën e duhanit

Autori:Avdyl Pajaziti

Shumica e njerëzve që pinë duhan vuajnë nga kolla e cila mund të jetë e butë por edhe e rëndë.

Ky është efekti anësor më i zakonshëm i pirjes së duhanit. Nëse jeni në këtë gjendje dhe e keni këtë kollë, pa marrë parasysh se a është e rëndë apo e butë, kjo recetë sigurisht që do t’u ndihmojë.

Më e mira është që ta lini duhanin, për të mos e pasur fare këtë kollë. Por, nëse keni provuar dhe për fat të keq nuk keni arritur që ta lini atë, ju të paktën mund ta largoni apo zvogëloni këtë kollë duke përdorur këtë recetë, transmeton Lajmi.net.

dumbir-i-med

Përbërësit e recetës janë uji, kurkuma, sheqeri kafe, xhenxhefili dhe qepa e verdhë.

Receta:
400 gram qepë
1 litër ujë
400 gram sheqer kafe
2 lugë kurkuma
një sasi e vogël e pluhurit të rrënjës së xhenxhefilit

Përgatitja:
Përzieni sheqerin kafe me ujë në një tas. Grini qepët dhe shtoni në tas. Pastaj shtoni kurkuma e pastruar dhe pluhurin e xhenxhefilit. Vendosni tasin me gjithçka që përmban në ujë që të vlojë. Uleni temperaturën menjëherë sapo të vlojë uji dhe mbajeni të ngrohtë derisa gjysma e përzierjes të avullohet.

Largojeni përzierjen nga pllaka e shporetit dhe lëreni për një kohë të qëndrojë në një shishe. Lëreni për dy orë dhe më pas futeni në frigorifer.

Përdorimi:
Pini dy lugë nga ky lëng çdo mëngjes para se të hani ushqim. Përndryshe, ju mund ta merrni atë edhe gjatë natës, 2 orës pas darkës. (Lajmi.net)

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/si-ta-largoni-kollen-e-duhanit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala