Si po i shpenzojnë paratë brezi i ri

Autori:Avdyl Pajaziti

Me një fuqi shpenzuese në triliona dollarë, brezi i ri (Millennials) po bëhen shumë shpejt një forcë që duhet llogaritur në treg. Por ekspertët dhe analistët ngrejnë shqetësimin nëse kjo fuqi po përdoret siç duhet dhe kompanitë po shfrytëzojnë blerjen e kësaj energjie.

Millennials, ata që kanë lindur mes viteve 1980- 2000 dhe që njihen dhe si Gjenerata Y, vlerësohet të shpenzojnë në të gjithë botën plot 2. 45 trilionë dollarë në 2015, sipas një studimi të Youbrand. Megjithatë ky brez është rritur mes masave të kursimit dhe pasigurisë financiare, që do të thotë që të rinjtë, dhe paratë e tyre, shpesh kanë shkuar në drejtim të kundërt me konsumin.

Në të vërtetë, brezi 18-34 vjeç kanë tendencën të jenë më të ngarkuar në borxhe se prindërit e tyre, duke i bërë ata më konservativë nga ana fiskale, sipas një studimi të bërë nga bankat e investimit.

Millennials dhe paratë
Ekspertët thonë për CNBC sa e rëndësishme është fuqia shpenzuese e brezit të ri në të ardhmen e afërt.

“Nga perspektiva demografike, në të gjithë botën janë 2 miliardë të rinj dhe 86 për qind e tyre jetojnë në tregjet në zhvillim, dhe në Brazil, Indi dhe Kinë ata kanë kaluar numrin e “boomers” (të lindurit e pasluftës). Nëse do të shohim në SHBA ata janë grupi më i rëndësishëm si forcë pune, në 2018 do të tejkalojnë “boomers”, dhe në 2025 ne parashikojmë një vlerë prej 8 trilionë dollarësh të ardhurash neto vjetore”, thotë Sarbjit Nahal, kreu i “Thematic Investing at Bank of America Merrill Lynch”.

Nahal thotë se brezi i Millennials është truri i teknologjisë dhe çmimeve të ndërgjegjshme, një sinjal i qartë ky për kompanitë që të kërkojnë të bëjnë para nga ky brez me shitës teknologjik, duke mundur më shumë shitësit tradicional. “Kur ata bëjnë një vendim blerës për konsumatorin, ai është çmimi që ata kërkojnë. Ata po rriten në kohë të vështira ekonomike, dhe së dyti, ata po kërkojnë për lehtësira”, përfundon Nahal për CNBC.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/si-po-i-shpenzojne-parate-brezi-i-ri/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala