Shtohet prania e policisë në veri të Kosovës

Autori:Avdyl Pajaziti

Mbase për shkak të kërcënimeve të vazhdueshme që vijnë nga organizata të ndryshme ekstremiste, Drejtoria Rajonale e Policisë së Kosovës në veri, me urdhër të Drejtorisë së Përgjithshme të Policisë së Kosovës në Prishtinë, ka ndërmarrë masat e ngritjes së nivelit të sigurisë në pjesën veriore e Kosovës.

“Në veri të Kosovës është shtuar prania e pjesëtarëve të Policisë së Kosovës, sidomos në vendbanimet multietnike. Kjo është bërë me urdhër nga Prishtina”, ka konfirmuar Policia e Kosovës në veri, të hënën.

Shefi i operativës në Drejtorinë Rajonale të Policisë së Kosovës në veri, Zhelko Bojiq, u ka deklaruar medieve serbe, se prania e zyrtarëve policorë është shtuar me urdhër nga Drejtoria e Përgjithshme e Policisë së Kosovës në Prishtinë dhe se pjesëtarët e Policisë janë vendosur në shumë pjesë të veriut të Mitrovicës dhe të Kosovës, me qëllim të veprimit preventiv. /Zëri/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shtohet-prania-e-policise-ne-veri-te-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala