Shqiptari falet në avion, pasagjerët i kap paniku

Autori:Zekirja Shabani

Një besimtar mysliman shqiptar i cili sipas ritualit fetar falet 5 herë në ditë para Zotit, në atë që në Islam quhet “Namazi”, ka krijuar panik për pasagjerët e avionit të linjës Tiranë-Bergamo.

Besimtari është ulur në kuvertë për të kryer ritin e faljes, ndërsa avioni ishte ngritur dhe ishte drejt udhëtimit për në Itali.

Shqiptari nuk ka dashur të humbë orarin e faljes, dhe ndaj ai nuk ka hezituar të falë Namazin brenda në avion. Por ky veprim ka krijuar panik tek pasagjerët e tjerë, të cilët të trembur nga sulmet e fundit terroriste në Bruksel, kanë dyshuar se besimtari mund të ishte një terrorist.

Situata është qetësuar pas disa minutash, ndërsa avioni ka vijuar udhëtimin drejt destinacionit final, në Bergamo.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shqiptari-falet-ne-avion-pasagjeret-i-kap-paniku/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala