Eko 6 vite më parë

Shqipëria dhe Serbia me normën tatimore më të lartë në Rajon

Autori:Avdyl Pajaziti

Teksa Rajoni është përfshirë në një garë të ethshme për të tërhequr investimet e huaja, në përgjigje të efekteve të krizës së vitit 2008 për të gjeneruar më shumë punësim dhe likuiditet në ekonomi, Shqipëria ka bërë hapat e kundërt.

Në raportin “Doing Business 2016” të Bankës Botërore që u publikua pak ditë më parë Shqipëria bashkë me Serbinë renditën me normën më të lartë tatimore në Rajon.
Taksimi i përgjithshëm në Shqipëri për një biznes shkon në 36.5%, kur norma tatimore mesatare rajonale është 24%.

Me një taksim 12 për qind më shumë se mesatarja e Rajonit, Shqipëria prej dy vitesh ka humbur konkurrencën me rajonale në aspektin taksave dhe së fundmi me ashpërsimin e penaliteteve në ligjin e procedurave tatimore dhe rritjen e masës së dënimit me burg deri në 10 vjet për evazion rrezikon të kthehet në një ishull të vetmuar.

Nivelin më të ulët të normës tatimore e ka Maqedonia me vetëm 12 % për qind pasi kontributet e sigurimeve shoqërore paguhen nga punonjësit dhe jo nga bizneset.

Organizatat e Biznesit, sidomos investitorët e huaj gjatë këtij muaji dolën me deklarata zyrtare ku shprehen shqetësim për klimën e krijuar. Sakaq studio të ndryshme ligjore në Tiranë i kanë pohuar Monitor se, kompanitë e huaja që operojnë aktualisht në Shqipëri po interesohen për transferimin e aktivitetit në Maqedoni.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shqiperia-dhe-serbia-me-normen-tatimore-me-te-larte-ne-rajon/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala