Shpërthen Adelina Ismaili, akuza të rënda politikanëve

Autori:Avdyl Pajaziti

Këngëtarja e njohur shqiptare, Adelina Ismaili, ka shpërthyer me akuza të ashpra ndaj njerëzve që sipas saj kanë qenë në gjendje të shkatërrojnë gjithçka vetëm që ajo të jetë e dashura e tyre.

Pa përmendur emra, këngëtarja nëpërmjet faqes zyrtare të Facebookut ka thënë se në mesin e njerëzve që e kanë dëshiruar atë “ka ministra, zëvendësministra, kryetarë, hajna, deputetë, kriminelë, bossa, gjyqtarë, biznesmenë”, që vazhdimisht e kanë kërcënuar me publikimin e fotografive intime të saj.

“Kurrë nuk do ta besoja që për këtë vrimë tek e cila nuk keni qasje, do të shkaktonit kaq shumë shkatërrime. Po ta dija do ta lyeja në ar. Por as kurrë nuk iu kërkoj falje që dashurinë time e kam dhënë aty ku kam dashur unë, e kurrë hiq ju. Kjo nuk është arsye të më luftoni ditë e natë që nga sekondi kur jam martuar me atë që unë e dua”, ka shkruar ajo,

Ajo në këtë akuzë të gjatë e ka lidhur edhe gjykatën ndërkombëtare të EULEX-it, që sipas saj, përbëhet nga “milicë të dështuar të shteteve të huaja që vet pyesin e vet përgjigjen”.
“Nëse dikush nga ju ka foto diskredituese ose çfarëdo lloj fotoje, incizimin tim, ju lutem dhe ju përgjërohem publikoni. Po ju pres tash e tetë vite”, ka shkruar më tej Adelina

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shperthen-adelina-ismaili-akuza-te-renda-politikaneve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala