Shkëmbim zjarri në Paris

Autori:Avdyl Pajaziti

Mëngjesin e së mërkurës policia speciale franceze ka ndërmarrë një tjetër operacion për kapjen e njërit prej personave që dyshohet se ka marrë pjesë në organizmin e sulmeve të para pesë ditëve.

Mirëpo, mediat franceze kanë raportuar se gjatë këtij operacioni ka pasur edhe shkëmbime zjarri, ndërsa “Reuters” shkruan edhe për policë të plagosur.

Të shtënat janë dëgjuar në veri të Parisit, në Saint-Denis, aty ku po zhvillohet operacioni. Mediat franceze nuk thonë se pas kujt është vënë policia, pasi i gjithë operacioni ka qenë sekret, por aludohet në atë që njihet si atentatori i tetë.

Kjo edhe për faktin se gjatë ditës së martë, ministri i Brendshëm francez, Bernard Cazeneuve ka deklaruar se përveç xhandarëve, policisë dhe ushtarakëve, 115 mijë njësi shtesë kanë zbarkuar në terren në kërkim të këtij personi.

Mirëpo, zbulimet e fundit nga regjistrimet e kamerave tregojnë se mund të jetë edhe një atentator i nëntë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shkembim-zjarri-ne-paris/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala